← 返去食譜步驟
- 要揀蛋白質含量高嘅牛奶（所以網上一般都建議用水牛奶），超市嘅全脂奶得差唔多3.5g/100ml，基本上好難撞得成功。你可以用貴少少但蛋白高啲嘅牛奶；但如果你要用普通超市牛奶，就可以加煉奶去增加蛋白質成份。
- 老/黃薑固然好，如果你用生薑嘅話，每碗要用到20ml以上嘅薑汁。記得唔好倒咗薑汁嘅沉澱物，佢先至係薑汁撞奶成功嘅秘密，撞奶之前記得攪勻佢。
- 撞薑汁奶嘅最佳溫度係75度，你要煲到去大概80度，然後等一陣溫度跌少少就即刻撞落去。
- 撞完之後即刻用個碟冚住碗薑汁奶，等10分鐘就可以。
- 即刻食佢就得，撞奶會凝固成滑溜、帶薑味嘅布甸。